“International Day for the Elimination of Violence against Women”, state nung mungogo

Dimapur, Yimpoksüi/November 26 (TYO): Alima ajunga den jangyu medema Nagaland nunga “International Day for the Elimination of Violence against Women,” mungogo.
Kohima: “International Day for the Elimination of Violence against Women,” nüngtem nung November 25 nü “A Walkathon and Cycling Campaign” ka Old MLA Hostel Junction nungi tenzüka Directorate of Social Welfare, Kohima tashi agiogo. Iba international campaign ya anogo 16 agitsü aser December 10 nü Human Rights Day amungba anogo tembangtsü.
Taküm iba sentong ya “Orange the World: Generation Equality Stands against Rape!” omen nung ajemdaker agitsü. Taküm iba sentong ya Nagaland State Social Welfare Board, State Resource Centre for Women-181 Women Helpline Nagaland, aser Nagaland State Commission for Women longjemer ayongzükogo.
Sentong nung Nagaland State Social Welfare Board mendenbula Bano Vinito-i okila jembi. Lai sentong nung shilem agitsü asoshi adenshia aliba nüburtemi alima dang tetsür tem anema inyakba maparentem anentsü asoshi ashitsüla ta ashi. Secretary, Nagaland State Social Welfare Board and Mission Director, SRCW Daisy Mezhur, lenisüba kübok tetsürtem anema inyakba maparen balala anentsü asoshi tenangzüktepba agi.
Sentong nungsa “Orange the World: Generation Equality Stands against Rape!” onük nung ajemdaker Nagaland State Commission for Women mendenbula Khrienuo Tachü-i o tatsüka jembi.
Social Welfare Department, Commissioner and Secretary Sarah R. Ritse-i tetushi tesemdanger ama walkathon tenzüktsü. Iba sentong ya Meneno V, Research Officer, SRCW lenisüba kübok aka aser Police, CHILDLINE Kohima, Tribal Cult nungi cyclists aser skateboarder tem, college, Arogo, NGO aser temulungertem dena liasü.

Wokha: Alima ajunga den liromedema Wokha nunga International Day for the Elimination of Violence against Women mungogo. Iba sentong ya Wokha District Administration den DLCW-MSK aser Sakhi-OSC, Wokha longjemer ayogzüka Wokha jila Police Point nung agiogo.
Iba sentong ya Adv. Thungbeni Kikon, Case Worker, OSC lenisüba kübok aka aser DC Wokha Orenthung Lotha-i o tatsüka jembiba sülen Police Point nungi Walkathon sentong tenzük aser Forest Colony Junction-District Hospital Road ajanga orr Town Hall nungtembang.
Walkathon sentong tembangba sülen SP Wokha, Imtitoshi-i, tetsür tanur, atsüapong tebendang aser sümangba tebilemtsü onük dak ajemdaker jembi. Kasa mapang nung EAC (HQ), Wokha Imtinungla Longkumer-ia ojembiba mapang tetsür tanur koda tongtibang, term of violence, Domestic Violence Act 2005 nunger dak ajemdaker jembi aser nüburtem dang lokti tajungba yanglushitsü asoshi tejak dangi arua shilem agitsü ajungshi.
Maneni sentong nung Secretary WDLSA, Adv. Khrievono Seletsu, Lotha Hoho aser Lotha Eloe Hoho nungi lenirtem, CA, OSC Renthunglo Kikon aser Dr. Wonchano E Enny,WWO, DLCW-MSK nungeri onük dak ajemdaker o tatsütsü jembia liasü.

Mon: Mon District Administration aser District Level Centre for Women- Mahila Shakti Kendra (MSK) aser Sakhi – One Stop Centre (OSC) longjemer International Day for Elimination of Violence Against Women nungtem nung United Nations omen; ‘Orange The World: Generation Equality Stands Against Rape’ nung ajemdaker November 25 nü DC Office Conference Hall, Mon nung seminar ka ayongzüka agiogo.
Iba sentong ya Women Welfare Officer (WWO), MSK Ngepshom Konyak lenisüba kübok agi aser Deputy Commissioner, Mon Thavaseelan K, IAS-i okilajembia liasü. Sentong nung shisalen agütsürji Advocate, N. Mannon liasü aser lai Domestic Violence aser POCSO Act dak ajemdaker jembi. Maneni Counsellor of Sakhi- One Stop Centre (OSC), Mon Ngamkhao-i tepela anküpo jembiba sülen sentong tembang.
Iba seminar ya Gender Based Violence anema anogo 16 amungba nung shilem ka lir koba November 25 nü nungi tenzüka December 10 nü tembangtsü.