Namri Nchang-i officer tem ajungshi

Dimapur, Yimpoksüi/November 28 (TYO): Advisor for Water Resource Development, Namri Nchang-i November 27 nü Tening Town Hall nung officer tem den sensaksemogo.
MLA-i officer tem dang pei tata tesem maitsüi mapa inyaktsü tuyuba den iba tesem terenlok asoshi department ajak teyari meshi. MLA-isa sorkar temelaba makai V random allotment takdang memelatsü metetdaktsüogo. Paisa Tening adena aoba highway koba tang yangludar, iba ya asadangdar, ta ashi. Iba dak sendakba nung pai ashiba agi, department-i India sorkar nem utilisation certificate magütsütet, ibayongji sen mapang shidak nung sanction mesütet. Paisa highway takok ngua yanglutsü asoshi tajungtiba inyakdar ta ketdangsertem dang ashi. Namri Nchang-i, Tening atema Tribal Affairs Department tasenba bener arutsü tang inyaktepdar, ta ashi.
Senden nung Additional Deputy Commissioner (ADC), Tening, Rhosietho Nguori-i Tening nung mini-secretariat amenoktsü benokdang koba MLA-i District Planning and Development Board (DPDB) dangi abentsü ashi, ta IA Tening sangdong ka ajanga metetdaktsü.