Oh Polythine Ni Na Menungrar

~ I. Zülu Pongen, Mongsenbai Ward.

Oh Polythine bag, na kong lir
Ni na menungrar kü kinungtsü ama,
Na mali ni timtemsetter, AIATAI!
Na samatsütsü ya shiba tasa
Maochiba tesashi ozüng ka Delhi nungi
Sorkar tematiba tashi ajanga.

Tamasabo ni na ya memeteti liasü,
Saka tanü tashi temetet lima ka nung
Scientific technology ajanga
Karkana tulutiba lapoker shingaia
Ne den tokteptsü mekoki nasa tamaren
Aser tulutiba ta tushia alima akok.

Iba tepongba oset (yangku) saka tashi tait,
Züba-zübaa oset tulu aika oshia
Kidangi bener pelaseta shilang,
Nisung tulu tila ajak tiptema,
Kidang nungi teka tazüng ayazük,
Saka ayong-ayong oset teberi bener shilanger.

Tejashitsüka osang tamajung ka aru,
Anogoshia paper ajak nung talaktsüka
Polythine yagi alima menentsür ta,
Ya Hindu nunger temeshi ayong –
Yamuna aser Ganga nungi adok,Ya merüktettsüla
Ya merüktettsüla ta yagi asen lima tonga aru.

Oh, Polythine, nai kechi majung inyak,
Naibo alima nüburtemi aginüba ang tashi anga inyak,
Ochishia tashi anga, ni yabo makoktsü ta mashi,
Aser shinga anema menemnem,
Temulung lemtet kiler tajung ka
Kibur sulen mokurai anidak.

Saka alimai na sempa, Yisu ama
Atala alima menen khu tulu bener
Alima ajak nai menentsür ama kümdakja
Ya mashi malur sensamasar tamashi nisung aliyong
Na mesenmetua amshiba ajanga lir,
Saka na malibaji onok takoksaba lir.

Oh, tanübo na alijak nung samaa
Meli-i kümdaktsüogo ni!
Alimai nabo takok ngua tepsetogo, Yisu ama,
Saka karkana nungi adokba chiyongtsü alepbabo anosa lirgo
Alimai tejak repranga ochi meshi-i O bendng tai agütsü amai,
Tangabo toktsü, nabo tepset.

Alimabosa menena lirji, amtsük alepa ‘Mica’
O bendangertem nenokia kechi ashir?
Yimti yimtong ajak aser kilentsü (nallah) sünga
Sentsübranga kodanga raksaa maoba taleptsü indoka lirji,
Kechiba polythine samatsü.

Ni office nungi shilangdang oset ana maliteter,
Ka alira aji agi kü teka asünger,
Ni bilemteter, polythine to ali asübo koda jungla ta,
Tonga nung oset ka tang benteter, kü teka nung masemer,
Tonga nung oset ka enoker ni town ajak ajangtsü ya koda,
Oh Polythine ni aiatai na malibo.