GPRN MIP-i nübur dang sangdonger

Dimapur, Yimpoksüi/November 28 (TYO): 2020 Nagalim Calendar jenjang sen 150/- dang ser nung nisung kari iba dang nungi tali agi ayokba osang onok nem metetdaktsüogo; iba ama merümerüba mapa ajanga NSCN/GPRN-i iba Calendar adokba nükjidong matalokdaktsütsü, anungji nüburtem dang Calandar jenjang dang nungjai poisa ka danga tali magütsütsü metetdaktsür, ta Brihostibarnü GPRN MIP sangdong ka nung metetdaktsü.
“2020 Nagalim Calendar ajanga Naga nunger putiotsü khenyongi balaka asüba sayaba den Naga nunger puiotsü aser yimtenren temeden balala kümzüka ayuba dak snedakba nung timtema ajangshia aruba sayar. Iba ya 2020 calendar nükjidong lir. India-Naga yimtenren ken o maneni jembia aruba mapang nung asenok ajak longjemer Naga linük maitsü aser akhümket atema inyakdi, kechiyong Naga nungeri shilem agiba ajanga iba tensa kümzüktsü. Iba ya Calendar nung metetdakja lir,” ta kasa sangdong ajanga metetdaktsü.