Samagra Shiksha Nagaland team-i Tuensang district semdang

Kohima, Yimpoksüi/November 29 (TYO): Samagra Shiksha Nagaland State Mission Director, Kevileno Angami leniba nung ketdangsertemi November 26 nungi November 28, 2019 tashi Tuensang district semdanga Samagra Shiksha Nagaland kübok inyakba mapatem reprangshiogo, ta ketdangsertem osang ka ajanga metetdaktsü.
Iba mapang nung State Mission Director, Kevileno Angami-i Sangsangnyu nung Residential Hostel semzüktsü aser yimdak yimsüsürtem den shisa lemsatep sentong ka agi.
Laisa Hakchang aser Chingmei na nung Sochum Centres semdanga kaketshirtem aser yimsüsürtem den shisa lemsatep sentong ka agi aser ECS staff temi Sochum Centres nung mobile teaching unit benoka inyakba indang metetdaktsü.
Kaketshirtem, talisa Mathematics nung tajungba kümdaktsütsü nükjidong nung ECS-i ketdangsüa Mobile Teaching Unit ya tawa tenzükba lir.
State Mission director-isa Noklak nung KGBV, girls hostel aser residential hostel semdang.
Samagra Shiksha Nagaland kübok KGBV aser Residential Hostels nükjidong ya yimdak yimtsüngtem nung kaketshirtem nem shisaliok tajung agütsütsü atema lir.