VIN den Routine Immunization refresher training agi

Mokokchung, Yimpoksüi/November 29 (TYO): Mokokchung District nung Cold Chain Handlers aser Health Workers atema District level eVIN den Routine Immunization refresher training repsema agiogo, ta ketdangsertem osang ka ajanga metetdaktsü.
District level eVIN den Routine Immunization refresher training ya November 29, 2019 nü Chief Medical Officer indang Conference hall, Mokokchung nung agi.
DPMU, CMO office ajanga ashiba agi, iba training tenzüka Dr Kibangkumba Dy. CMO-i lokti pelaa agizükba o jembiba den okila jembi.
Dy CMO-i training nung adenertem dang pei mapa, talisa Immunization atema kanga nendaka inyaktsüla, kechiyong Health delivery system nung tongtiretji immunization ya lir, ta metetdaktsü.
Iba training nung shisalen sayurtemji Kingson Shimray SPO, UNDP aser Imli Longkumer Project Officer, UNDP na liasü.
Training agirtem nem vaccine ajanga tashidak nokdangtetbatem indang tesayuba agütsüba den Immunization atema asalentonga inyakba, Immunization atema Micro plan aser HMIS & eVIN indang recordings aser reporting indang tesayuba agütsü.
Training nung adenertem dang Gold Chain & Vaccine logistic Management, eVIN store app Demonstration aser order management module indang tesayuba agütsü.
SPO-i 90% Fully Immunized nükjidong atongtsü atema Routine Immunization maparen tashi itshitsü nüngdaker, kechiyong tanga Northeast state tem den medemdangra Immunization tsütsü Nagaland tsünglanglen lir, ta metetdaktsü.