Kiphire jila nung Winter Night Carnival ayongzüktsü

Kiphire, November 29 (TYO): Kiphire district administration-i Kiphire Town Students Union den senteper December 6 nungi December 9, 2019 tashi jila nung Winter Night Carnival ayongzüka agitsü, ta ketdangsertem osang ka ajanga metetdaktsü.
Kiphire DC, Sarita Yadav, IAS-i tejangrar nija/organization ajak dang iba Carnival nung shilem agitsü metetdaktsüba den stalls atema permit ji Deputy Commissioner office ajanga agütsütsü, iba sülen registration ji Kiphire Town Students Union-i agitsü, ta metetdaktsü.
DC-isa, ozüngi memelaba mapatem khenyongi memelatsü aser aibelenertem nem temerenshi agütsütsü, ta metetdaktsüogo.
Night Carnival atema rate ji :- Registration 1. Stall Area 6/8 feet- sen 1000/- 2. Stall Area 5/4 feet sen 500/- aser aonungshia stall charge ji Stall area 6/8 feet sen 500/- aser stall area 5/4 feet ji sen 300/- asütsü.