Kisama nung Agri stall semzüktsüogo

Kohima, Luchii/December 01, 2019 (TYO): Minister for Planning & Coordination and Land Revenue, Neiba Kronu-i Deobarnü Heritage Village, Kisama nung Agri Products stall lapokja liasü. Iba stall ya Department of Agriculture-i achaayanger.
Item stall nung aonsotsü/süngjanglijang ajungaji aluyimertemi tsünütetbatem lir, koba mozü kecha medeni tsünüba aonsotsü/süngjanglijang tem dang ‘Naga Organic’ maitsü maloker angutsü. Item aonsotsü/süngjanglijang ya Nagaland tesem balala nungi tsünütetba lir, koba Department-i ali temo tendangba sülen Department of Agriculture-i Organically Certified Area agütsür tsünüba tesem tejangja agüja lir.