Foreign Service Attaches-i Arunachal semdang

Kohima, Luchii/December 01, 2019 (TYO): Lendongbang nung aliba tesemtem tensa angatettsü aser item tesem nung alirtem dang Indian Army inyakyimtem metetdaktsütsü nükjidong nung, linük 26 nungi Foreign Service Attaches telok kati November 29, 2019 Hokolbarnü Arunachal Pradesh aser LAC anasa aliba tesemtem semdanga liasü, ta Lt Col Sumit Sharma-i PRO (Defence) sangdong ka ajanga metetdaktsü.
Foreign Service Attaches nungi tesemdangertem Formation Commander-i pelashishia agizük aser Army temi arrtsü tesemtem nung tensa balala ajuruba indang parnok dang rasa ashi.
Iba sülen, delegation yagi Darka heritage yimtsüng semdang, kong parnoki yimtsü nung alir sobaliba aser yimsü ngua liasü.
Kin kümzüka yutsütsü aser parnok nem teyari agütsütsü mechi timtem balala ajangshia, pei nem nungloktsüba maparen bendanga agüja inyakba ajiteta delegation-i Indian Army dang pelaba metetdakja liasü, ta kasa sangdong ajanga metetdaktsü.