I&C Advisor Imnatiba-i Handloom & Handicraft lapoktsüogo

Kohima, Luchii/December 01, 2019 (TYO): Bamboo Pavilion, Naga Heritage Village Kisama, Kohima nung December 01, 2019 Deobarnü Department of Industries & Commerce-i Exhibition den repsema lNaga nungeri yangluba Handloom aser Handicraft Products sale sentong ayongzükja liasü.
Iba exhibiton sentong Advisor Industries & Commerce, Imnatiba-i lapoktsü. Sentong nung jembiba mapang pai ashiba agi, exhibition sentong ayongzüktsüba den külemi handloom aser handicrafts (sü atakba/arrba – teka mapa) maparen tsütsü Naga nunger nem maongka agütsütsü asoshi Industries & Commerce Department-i tongtibang shilem agia arudar.
Taküm Hornbill Festival sentong nung Exhibition den repsema pei yanglubatem ayoktsü asoshi Handloom aser Handicraft artists tejangjatem nem stall 111 (Noklang ka ser terka) lapokdaktsüogo.
Bamboo Pavilion nung lapotsüba Handloom aser Handicraft Products indang exhibition den sale sentong ajanga artisans temi pei teka mapa sayutsü aser shishilembatsü asoshi maongka agütsür.