PM Modi-i anir salem osang lemsatep

Dimapur, December 1 (TYO): Prime Minister Narendra Modi-ia Nagaland indang 57 buba Statehood Day salem osang metetdaktsüogo.
“Nagaland nung alirtemji aria bilemtsürtem aser tasütait lir” ta Modi-i Twitter nung ashi.
“Statehood Day mapang Nagaland nung adianutem moatsür. Iba state ya sobaliba takar atema tetshir. Tarutsü kümtem Nagaland-i jenjang temaba tongtetdangma” ta Modi-isa ashi.
India Tir Ram Nath Kovind-ia Nagaland nung alirtem den 57 buba Statehood Day salem lemsatep.
“Nagaland indang statehood day nung nübortem den salem osang lemsateper. Nagaland nung sobaliba, senmang aser tobur ajungbatem meyoktepa lir. Iba tobur tajung state nung alirtem asoshi tarutsü tajung moajangma” ta Tir Kovind-i Twitter nung metetdaktsü.
Maneni, Arunachal Pradesh Chief Minister Pema Khandu-ia “Nagaland nung alirtem den 57 buba Statehood Day tepela salem lemsateper. Nokinketer aser sobaliba tajung aliba lima ya India nung terenlok tsütsü tanir südakjangma” ta Twitter nung metetdaktsü.