Hornbill Escapade tenzükogo

Kohima, Luchii/December 02, 2019 (TYO): Tang tagidak aliba Hornbill benjungmung sentong shilem ama, anogo pungu (5) tashi Kohima tesem balala nung ayongzüktsü renemba Hornbill Escapade sentong December 2, 2019 Hombarnü tenzüktsüogo aser iba sentong ya December 4, 6, 8 aser 10, 2019 anogotem lemsar agitsü, ta sangdong ka ajanga metetdakja liasü.
Hornbill Escapade sentong ya Kohima telungtet tesemtem talisa Chesezu, Pfutsero, Khezhakeno, Pulie Badze, Khonoma, Dzuleke, Heunambe aser Dzukou nunger ayimjema agitsü terenemba lir.
Hornbill benjungmung mapang raliwalirtem atsüa arutsü mechi, Hornbill Escapade sentong ayongzüktsür. Iba sentong ajanga, Kisama nung sobaliba benjung saya balala reprangtsü den bendenloksema adventure sapurtem tsüratemdaktsütsü nükjidong lir.
Tejangrar raliwalirtem, ainertem ajak agri link roads (Kohima aser Phek District) ajanga Kohima meküta teshimtet yimtsüngtem indang tzülu (terrace feild) aser tepor tesem tajungtem sema anir senzütsü aser yimtak yimtsüng nung alir Naga nunger sobaliba tem repranga aser ajangshitsü asoshi raliwalirtem atema maongka talila agütsütsü.
Item tesem repranga senzütsü asoshi raliwalirtem mesüra ainertem ajak gypsy gari nung mendaktsür driver tajung kati anir sema senzütsü.
Maneni, tang tagidak aliba Battle of Kohima 75buba Anniversary benjungmung nüngtem nung, Hornbill Escapade sentong mapang World War II atalokba tesem tongtibangtem sema senzütsü nükjidong lir. Iba sentong nung shilem agitsü atema tejangrartemi agüja aliba link aser ph.no – 9774441136, 8779904651, 8919900260; offtheroadkohima@gmail.com aser www.nagaofftheroad.com nung tongtepratepang.