Matru Vandana Saptha Wokha nung amenokogo

Dimapur,Luchii/December 2 (TYO): Wokha Deputy Commissioner Orenthung Lotha-i December 2 nü DC’s Conference Hall nung ‘Towards Building a Healthy Nation-Surakshit Janani, Viksit Dharin” omen nung ajemdaker Matru Vandana Saptha 2019 sentong amenoktsüogo.
Iba sentong amenoktsüba mapang DC-i, iba scheme/programme ya Department of Social Welfare kübok India sorkari achaayangba sentong ka lir, koba mezüng tanur asor tetsütem temang anepalutsü asoshi parnoki bushia aotsü ajungmesotsü atema lir. Iba ajanga parnok aser tanur health anepaluba nung teyari tulu agütsütsü, ta ashi.
DPA, PMMVY Wokha, Emilo Ovung-i PMMVY sentong indang metetdaktsü. Lai ashiba agi, PMMVY ya maternity benefit scheme/programme ka lir, koba linük nung district ajak nung benoka inyaker aser iba kübok mezüng tanur asortem nem installment asem küma lemsar senotsü teyari agütsür. Laisa, 2019 November 30 nü tashi nung Wokha district kübok beneficiaries1400 liasü, ta metetdaktsü.
Sentong nungsa Deputy Commissioner-i Beti Bachao Beti Padhao kübok baby kits lemtsü aser mezüng tanur bena alir tetsütem den selfie agiba mapang agia liasü, ta ketdangser sangdong ajanga metetdaktsü.