Hornbill benjung “Cultural connect” sentong osang

Dimapur, Luchii/December 2 (TYO): Hornbill benjung tanabuba anogo nikongtsütsü sentong nung Indian society of Gastroenterology tir Dr Ajay Kumar alakteta jaoker ama arua denogo. Iba sentong nung Advisor, Food Civil supplies Metrology & Consumer protection and taxes, Pukhai aser Minister, Health and family welfare, S. Pangnyu Phom na host liasü.
Cultural connect sentong nung cultural troops ti-i shilem agiogo. Khumaisii yimtsüng nungi Pochury cultural troupe-i Nazhu benjung nung aiba ‘Hitse Hitse’ tsüngsang agi shilem agi. Kachari cultural troupe-ia Mwsaglangnai tsüngsang agi shilem agi.
Rengma cultural troupe-i ‘Ma Kele’ ta ser tetsütebou mapang mi aputetba yimya sayu. Kasa mapang nung Sanphure yimtsüng nungi Sangtam cultural troupe-i aluyimertemi atenba ‘Hoeing’ ken aten aser Sumi cultural troupe-i ‘Apukhu Kishi’ (leg fight) ia liasü, kong yimya agi teburtemi dang shilem agir. Maneni Phuvkiu yimtsüng nungi Yimchungrii cultural troupe süngkong atemba yimya sayu.
Kuki cultural troupe-i sobaliba tsüngdang ‘Jangchalam’ agi aser Zeliang cultural troupe-ia’Nlei Nlap’ aser ‘Hemungki dellow’ ta nüngja agütsür mi aputetba yimya aser yin atsüngba yimya sayu, ta ketdangser sangdong ajanga metetdaktsü.