Alliance Air agi Dimapur aser Imphal sendakteptsü

Dimapur, Luchii/December 4 (TYO): Air India meyong Alliance Air, Dimapur aser Imphal na tsüngda senzü tenzüktsü. Dimapur nungi Imphal aser idak nungjiagi Guwahati tashi direct flight December 8, 2019 nungi tenzüktsü. Iba ya UDAN scheme kübok RCS route ka lir aser hopta nung Bodhbar, Hokolbar aser Deobar ta asem nü senzütsü. Airline ajanga passenger 70 amenba aircraft agütsütsü.
Flight 91 741 Guwahati nungi anepdang 8:00 ako nung apusotsü aser Dimapur 8:55 nung atongtsü aser Imphal-i 1:35 nung apusoa aotsü aser tanaben Dimapur-i 11:25 nung meyipa aruba sülen Guwahati-i 12:45 nung aotsü.
Iba tayimtsü ajanga minute 50 tsüngda Imphal atongtsü koba tang Dimapur station nung bus nung Imphal atongtsü atema ghonda 7 shi agir. Kasa mapang nung iba tayimtsü ajanga Dimapur nungi Guwahati-i otettsü aser Guwahati nungi Bangalore, Delhi aser Kolkota-i ayonga ayonga otettsü.
Dimapur nungi Imphal-i aoba tayimtsü jenjangji 1811 nungi tenzüka angutsü aser kasaji Imphal nungi Dimapuri aruba mapang agitsü. Ticket mekazüka ayutsü aser maongka balala agütsüba jangjatsü atema www.airindia.in-i log in sütettsü mesera travel agent den tongteprateptettsü.