Tanü Kohima nung 2buba Nagaland Honey Bee Day amongtsü

Kohima, Luchii/December 04 (TYO): Nagaland Bee keeping & Honey Mission (NBHM)-i December 5, 2019 nü anepdang 9:30 ako nungi The Heritage, Old DC Bungalow, Kohima nung 2buba Nagaland Honey Bee Day anogomong sentong ayongzüka amongtsü, aser iba sentong nung Chief Patron ji Chief Secretary Temjen Toy, IAS asütsü, ta Bodhbarnü ketdangsertem osang ka ajanga metetdaktsü.
Kasa sentong nungsa Nagaland nung stingless bee (memedakla ninang) metsühba indang documentary tatsüka ‘My Bees are Stingless’ sayutsü, ta kasa osang ajanga metetdaktsü.