Kohima nung 2buba MiKiFest semzüktsü

Kohima, Luchii/December 05, 2019 (TYO): Vety & Animal Husbandry aser Women Resource Development, Advisor, R. Khing-i Brehostibarnü (05.12.19) Kohima nung 2buba MyKiFest 2019 sentong lapokja liasü.
Iba sentong nung jembiba mapang Khing-i ashiba agi, Women Resource department tilaka dang süaka, mapang tatsüka tsüngda lenmang aisü nung ajangzüktetogo.
Pai ashiba agi, yimtsüngtem nung alir nüburtem atema alaktetta sen aruba (income) shilem 50 tashi ajungketja aser parnoki libaliro tajungba kümdaktsütsü asoshi iba department ajanga self employment (pei sasa inyakba) tsütsü maparen tuluka inyaktsüogo
Pai, Nagaland state nung sen aruba aser rongsenkettsüng renlokba ajitettsü mechi ketdangsertem aser staff ajak dang tali meranga inyaktsü asoshi mepishia liasü. Advisor, Khing-isa sentong nung shilem agir team ajak dang pelaba metetdaktsü aser department ajanga nüngdakba teyari ajak agütsütsü asoshi nangzüka liasü.
Department of Women Resource Development-i October, 2018-19 mapang MykiFest sentong tenzükja liasü.
State Hornbill Festival, 2019 sentong den repsema, taküm küm-a, Department-i December 5 aser 6, 2019 anogo 2buba MykiFest sentong ayongzüktsür.
Iba sentong nung category balala atema shilem agir tetsürtem yamai alitsü: Transformative Livelihood Intervention project, Training cum production centre, Ralong’s creation, precious MeLove, Quirky Qrafts, Akhole Pushe, Nyanbeni Kikon, Yangerla, Manle Konyak, Phuyang SHG Tuensang, Nourhe Womens Group, Heloise Kelio Thapru, Nagashi Bee Keeping, SHG Federation New Tesen Village, Ketoulenuo Solo, Vungi women SHG Bayavu aser Akheli canteen.
Maneni, Brehostibar anogo aiba sentong nung Angon & co, Avina Nyuthe & Atsu Nguthe, Manli & co, Longtsula & co. nungeri Art nung Work shop Live demonstration, Traditional Banna seeds, Necklaces, women Ornamental hip & belt, Traditional Bead works aser Contemporary Brad mapatem sayua liasü.