JCPI-i CAB, RIIN aser ILP atema senden amentsü

Dimapur, December 9 (TYO): Joint Committee on Prevention of Illegal Immigrants (JCPI)-i December 18, 2019 nü kin hoho tir aser tezülurtem, CSOs aser NGOs lennirtem den külem senden ka amentsü jateper.
Sendenji anepdang 11:00 ako nung Tourist Lodge, Dimapur indang Conference Hall nung amentsü ta Convenor K Ghokheto Chopi aser Secretary Tia Longchar nati sangdong ka nung ashi.
Asenok lenisüba mapang tayongzükba balala ajuruba atema inyaktsüla. Anungji Lok Sabha nung CAB benokba aser iba ya Act ka ama yanglura tebilemtsü lir ta asüba nung ajemdaker senden ayonger, ta JCPI ketdangpurtemi ashi.
Senden nungsa RIIN aser Dimapur nung ILP benoktsüba onüktem lemsateptsü, ta tenatisa shisem.
Benjung mapang süaka aser ano jelia sentong balala atonga liaka, tebilemtsü abenba lennir ajaki iba senden nung adentsü mepishir, ta Ghokheto aser Tia nati metetdaktsü.