Vikuonuo Sachü-i Miss Nagaland 2019 takok nguogo

Miss Nagaland 2019 Vikuonuo Sachü (tiyongtsü) den 1st runners-up Imnasangla Ao (abelen) aser Viprotsüno Kehie (achiji) nungertem agiba noksa angur.

Kohima, December 9 (TYO): Hombarnü Vikuonuo Sachü-i Miss Nagaland 2019 takok korang nguogo. Iba tetoktepba ya Beauty & Aesthetic Society of Nagaland (BASN)-i ayongzük aser Department of Tourism, Government of Nagaland aser 4Life-i yaritep. Miss Nagaland 2019 ya Hornbill Festival nung shilem ka lir aser tanü RCEMPA Jotsoma, Kohima nung ayongzüka agi.Miss Nagaland 2019 tanabuba jenjang nung Imnasangla Ao aser tasembuba jenjang nung Viprotsüno Kehie nati takok angu. Iba tetoktepba nung FBB Colors Miss India Assam 2018 Sunaina Kamath-i special guest judge ama shilem agi. Taküm Miss Nagaland takok korang angur nem Rs 1.20 lakh, 1st runners-up nem Rs 1 lakh aser 2nd runners-up nem Rs 70,000 senpettem agütsü. Maneni subtitle angur tetsür 5 shia nem Rs 10,000 agütsü.
Sub-title winners: * Best Evening Gown: Gimlule* Miss Multi media: Akumla Imsong* Miss Empower: Imnasangla Ao* Miss Beautiful Smile: Viprotsüno Kehie* Miss Talent: Neisavonuo Zashümo* Miss Photogenic: Shefüvi Pfithu* Miss Perfect 10: Viprotsüno Kehie * Queen of Hearts: Khrielievinuo Suoho* Women on the Rise: Ketuniphre-e Gwirie