Agartala, December 11 (Agencies): Tripura nung Citizenship Amendment Bill (CAB), 2019 anema lungkak aitba manener aser tensa mejungi akümba ajanga Indian Army-i column ka mapa lemzüktsüogo.
Tanü anüngdang Tripura Pradesh Congress Committee (TPCC) aser Tripura Youth Congress (TYC)-i Agartala nung CAB anema lungkak aitdang police den mepetmesü adoka raratep.
Tensa mejungi akümba sülen police-i lungkak aitertem senshidaktsütsü atema süng agi züka meinshi aser idangji TPCC general secretary Babpu Chakraborty aser journalist ana kanga mejungi yiru ta osang ajanga ashi.
Iba tatalokba anema Youth Congress-i Tripura ajunga ghonda 12 mokdangtsü ayongzükogo.
Tripura nung tensa mejungi akümba ajanga SMS aser internet services ghonda 48 atema shibangogo.
Tripura nung TPCC GS aser journalist 2 yiru added by nungsang on
View all posts by nungsang →
You must be logged in to post a comment Login