Rajeshwari Karuna School Tuli-i 5buba Annual Function ayongzük

Hombarnü (16.12.19) RK School 5buba Annual Function sentong agiba mapang kaketshirtemi tsüngsang ka sayuba yangi noksa nung angur.

Tzüdikong, Luchii/Dec. 16, 2019 (TYO): Rajeshwari Karuna School Tuli nung, December 16, 2019 Hombarnü, School campus nung 5buba Annual Function sentong ayongzüka agia liasü, ta sangdong ka ajanga metetdaktsü.
Iba sentong nung tsürabur, kaketshir, tesayurtem aser tejaokertem densema nisung 400 jungnüa denogo. Annual Function sentong tenzüka, Limawapang-i sarasadem aser iba sülen, class shia nungi kaketshirtemi tsüngsanga aser kentena telok peladaktsü.
Class 7 nungi azünger kaketshir Rongtijen aser Chubasenla nati sentong nung o jembi. Iba sülen, Rajeshwari Karuna School Tuli, Principal, Amenla Jamir-i tepela anküp o jembi, ta kasa sangdong ka ajanga metetdakja liasü.