Mon ADC-i Draft electoral roll publication atema sangdonger

Mon, Luchii/December 19 (TYO): Hiazu Meru, Additional Deputy Commissioner & Electoral Registration Officer, Mon-i sangdong ka ajanga, Registration of Electors Rules, 1960 nung ajemdaker 41-Tizit AC, 42-Wakching AC, 43-Tapi AC, 44-Phomching AC, 45-Tehok AC, 46-Mon Town AC, 47- Aboi AC, 48- Mika AC aser 55- Tobu AC nung Draft electoral roll renemogo aser iba copy ji pa indang office, AEROs, VRECs aser Election Office nung office mapa nung angutsü, ta Brihostibarnü metetdaktsüogo.
Electoral roll renemtsü atema qualifying date ji 01.01.2020 lir.
Qualifying date ji temalen agüja aliba ama süra Form 6, 7 mesüra 8 ajanga e-roll nung tenüng bendenloktsü mesüra tenüng aliba ashishitsü atema 15.01.2020 tashi mapang agütsütsü.