December ita atema Tuensang DPDB senden amen

Tuensang, December 19 (TYO): December 19, 2019 nü DC’s conference hall Tuensang nung Tuensang District Planning & Development senden menogo; iba senden ya Deputy Commissioner aser Vice Chairman DPDB leniba nung amen, ta ketdangsertem osang ka ajanga metetdaktsü.
Senden nung Mokokchung aser Tuensang na tsüngda gari lenmang mejungi aliba atema o lemtepba sülen tekaraba nung yanglujang ta sorkar dang nenshia metetdaktsütsü lemtet.
SDO (C) Tuensang HQ-i, November ita nung 2buba Inter Departmental Sport agia Table Tennis, Badminton aser Carom asaya, ta metetdaktsü. Convergence programme Gram Panchay, Developmental Plan DRDA Nodal Office ama line departments dang 2020-21 kümsük atema project proposal asoshi metetdaktsü.
North East Rural Livelihood Project (NERLP)-i office inyakyim aser statistics osang Power point presentation ajanga metetdaktsü. Taruba DPDB senden nung Medical department-i Ayushman Bharat Project indang PPT sayatsü.
Senden nungsa Kiusowongto yimdak Government Priamany school lapoktsü aser Flower Grower society registration atema o lemtepba sülen state sorkar matsüngdang benoktsü lemtet.