Dimapur nung CAA anema longkak aittsü

Dimapur, Luchii/December 19 (TYO): December 21, 2019 nü anepdang 10:00 ako nungi anüngdang 12:00 ako tashi Khermahal Police Point, Dimapur nung public-i Citizenship Amendment Act, 2019 aser NRC (National Register of Citizens) anema tesünep nung longkak aittsü, ta Communications Department, NPCC sangdong ka ajanga metetdaktsü.
CAA anema longkak aitba pusema Dimapur nung alir sensotem, lokti tentettem, melungtet teloktem, party officials aser party nung inyakertem den temelunger ajaki arua shilem agitsü mepishir, iba denji külemi asenoki CAA aser NRC anemba temaitsü sayutsü atema ozülu balala bener arutsü mepishir, ta kasa sangdong nungsa shia lir.