Nagaland Angh, R N Ravi-i Mokokchung jila semdang

December 19, 2019 nü Nagaland Angh, R.N Ravi-i DR. Imkongliba Memorial District Hospital Mokokchung semdangba mapang tangokba noksa nung angur.

Mokokchung, Luchii/December 19 (TYO): Brihostibarnü Nagaland Angh, R. N Ravi-i DR. Imkongliba Memorial District Hospital Mokokchung semdanga iba hospital nung departments aser wards ajak semdangba den külemi medical staffs den shisa lemsatepa liasü, ta ketdangsertem osang ka ajanga metetdaktsü.
District Hospital Mokokchung ya 1904 küm June 13 nü amenok, aser iba mapang nungjagi tenzüka hospital-i visitor’s register tejenba tang tashi amshidar; ajioda Nagaland Angh-ia iba register nungji pa tebilemba zülua yutsüogo.
Angh-isa Administration, district nung Security Agencies, Ao Senden, Watsu Mungdang, ABAM aser AKM densema melungtet teloktem den jurila senden aika amen. Paisa office balala nung tekolakpurtem, district nung Health, Education, National Highways, PWD Road & Bridges, Rural Department aser Agriculture department nung tongti ketdangsertem ajurua liasü.