Sorkari IAF atema fighter jets 200 alizüktsü: Defence Secy

Kolkata, Aenjeti/January 12 (Agencies): India sorkari Indian Air Force (IAF) atema raraba tayimtsü 200 alizüktsü atema maparen inyakdar, ta Amongnü Defence Secretary, Ajay Kumar-i metetdaktsü.
Tanü Kolkata nung Indian Coast Guard vessels commission asüba sentong nung adenba sülen osangbenertem den jembidang pai, HAL-i yangluba LCA Tejas Mark 1 A advanced fighter jets 83 kobi melii renemtsü, ta metetdaktsü.
Iba dak alia Expression of Interest (EOI) ajanga tayimtsü 110 aircraft alizüktsü, ta pai ashi.
“Tayimtsü 200 shi alizüktsü atema maparen inaykdar,” ta pai ashi.
“India nunger rongdak nüngdak atema raraba tayimtsü- Light Combat Aircraft (LCA) Mark 1 A 83 atema contract renemdar,” ta defence secretary-i metetdaktsü.
Kumar-i, tayimtsü design renemogo aser linük meyong Hindustan Aeronautics Limited (HAL)-i küm shia LCA Mark 1 A jets 8 yanglua aliba nungi ayimtsü 16 yanglutsü, ta ashi.
“Nüngdak dang süra tanga linük teyari agia iba dang nungi tali yanglutsü,” ta pai ashi.
Tang Air Force ket nung Sukhoi 30 MKIs, Mirage 2000s, Mig 29s, Jaguars aser Mig 21 Bisons tayimtsütem lir.
1999 küm Kargil rara mapang nung MiG-27 fighters tenet amshia tongtibang shilem agia liasü, sakar item tayimtsüji yaküm December 27 nü anentsüogo.