Shrinkhal Chaliha-i Regional Party tasen ka tentettsü

Guwahati, January 12 (Agencies): Veer Lachit Sena lennir Shrinkhal Chaliha-i tanü Assam nung regional party tasen ka tentettsü ta metetdaktsüogo.
2021 Assam Assembly Elections nung Bharatiya Janata Party (BJP) atsüngdoktsü atema party tasen ka tentettsü, ta pai ashi.
Party tasenji Lachit Sena kübok masü saka Assam nunger taginübatem kübok tentettsü, ta Chaliha-isa ashi.
“BJP-i mapa inyakba aser iba ajanga timtem ajuruba asenoki nguogo. Assam nung lisopurtem tenüng nung onoki regional party tasen ka tentettsü” ta pai metetdaktsü.
Assam nung CAA anema noktaker Chaliha ya tanep ang tepuokdak nungi chiok.
Pa ya December 23, 2019 nü Dibrugarh nung apu aser state anema rara ayonger ta tai tonglokja Guwahati-i anir aru.
Iba sülen pa Barpeta District Jail nung puok saka bail nung chioktsü temelaba angu.