Jan 20 nü JP Nadda-i BJP National Tir mapa agizüktsü

New Delhi, January 12 (Agencies): January 20,2020 nü BJP working president, Jagat Prakash Nadda-i Party national president mapa agizüktsü, ta tanü osang ka ajanga metetdaktsü.
Tang BJP National President ya Union Home Minister, Amit Shah lir.
Nadda atema BJP-i sentong tuluka ayongzüka agitsü bilemdar. BJP-i 2019 Lok Sabha election nung takok tulu anguba sülen 2019 June ita nung Nadda party working president shima liasü.
Osang angazükba agi, New Delhi nung aliba BJP headquarters nung sentong tuluka ayongzüka Nadda-i party National President mapa agizüktsü aser iba sentong nung Ato kilonser, Narendra Modi aser Union Home Minister, Amit Shah na den Union Minister tem, party lenirtem aser party nung inyakertem adentsü.
Kobi melii Delhi assembly elections agitsü lia Nadda BJP National President shimmer.
February 08, 2020 nü Delhi nung assembly menden 70 atema election agitsü aser February 11 nü vote zünga election osang sangdongtsü.