Universal Prayer House nung Healing & Deliverance sentong takok ngua agiogo

Dimapur, Aenjeti/Jan. 13 (TYO): Mon Basti, Karbi Anglong, Assam nung aliba Universal Prayer House nung January 11-12 anogotem nung Healing and Deliverance sentong takok ngua temoatsü nung agiogo.
Iba sentong ya January 11, 2020 (Honibarnü) nikongdang 1:00 ako nungi tenzük aser January 12 (Deobarnü) anepdang 10:00 ako aser nikongdang 1:00 ako nung sentong agi aser sentong shia Healing session aka. Iba sentong nung o jembir ya Evangelist Akumla Kichu liasü aser Healing Ministry atema Evangelist Missionary, Anil Lomga liasü.
Honibar nikongdang sentong nung Rongpangmen Baptist Church indang Asso. Youth Pastor, Sunep ajanga Lai zünga sarasadem aser Rev. Maong Lemtor, Missionary ajanga tajungshi o jembi. Deobar anepdang sentong nung Aoyimsen Baptist Church nungi L. Yanger Jamir-i Lai zünga sarasadem aser Rev. Dr. N.Tzüdir, Missionary ajanga tajungshi o jembia liasü. Maneni Deobar nikongdang sentong nung Rev. Y.T. Lotha, Missionary ajanga Lai zünga sarasadem aser Rev. Wati Jamir, Pastor, DABA ajanga tajungshi o jembi.
Iba sentong atema camp director ya J.Mar Longchar, Director, Youth Alive Ministry Mkg, prayer warriors lenir Arenla Thapa, Missionary liasü. Kasa sentong nung Mangimen Ao Baptist Arogo, Nahorjan, Karbi Anglong, Assam nungi Youth Choir ajanga temeja ken aten aser tekülem aser tetushi mapang ya Youth Alive Ministry Mkg ajanga bendanga agia liasü.