BSF aser nashi shibelenertem raradang ka khaset

Dhubri, January 13 (Agencies): Assam kübok Border Security Force (BSF) aser nashi shibelenertem tsüngda khatepdang shibelener ka khaset aser jawan ka kanga mejungi yiru.
Iba ya Deobar anepdang South Salmara Mankachar district kübok Ghoramara Char tesem nung atalok. Iba tesem ya Indo-Bangladesh arrtsü anasa lir.
Nashi shibelener telok kati Border Security Force (BSF) indang patrolling party ka amak, ta osang ajanga ashi.
Shibelenertem jagi hadir balala bener BSF jawan tem amak. Idangji BSF jawan temi shibelener ka khaset.
Tasüsangji Somesh Ali ta jangjaogo aser pa ya Fulkakata nungi liasü.
Iba lendong nung jawan Sunil Kumar kanga mejungi yiru aser pa Dhubri Civil Hospital nung anepaludar, ta BSF-i metetdaktsü.
Osang angazükba agi nashi shilelenertemi BSF indang rifle ka rakzüker bener ao saka ibaji police-i ngutetogo.