Manipur nung NSCN (IM) tesep ka makdok

Guwahati, January 13 (Agencies): Manipur kübok Tamenglong district nung Indian Army-i NSCN (IM) indang tesep ka makdok.
“Khen atema yangluba tesep nung Army-i prangpong-injang aika ngutetogo” ta osang ajanga ashi.
“NSCN (IM) züngsemtem iba tesem nung lir ta osang tejangja angazükba sülen Army-i iba tesem mita ao. Army temi inyakba mapa lazüker NSCM(IM) züngsemtemi tesep toktsür jena ao” ta osang ajanga ashi.
Army-i prangpong-injangtemji Tamenglong Police ket nung agütsüogo.