January 14 nü Peren DPDB senden menogo

Dimapur, Aenjeti/January 14 (TYO): Peren Planning & Development Board senden January 14 nü DC’s Conference Hall nung agiogo. Iba senden ya DC Peren cum Vice-Chairman DPDB, Sentiwapang Aier lenisüba kübok agia liasü.
Senden nung DC-i Minority Schemes achaayangba department tem dang taruba DPDB senden nung sensak asemtsü atema minorities dak sendakba scheme ajak indang report renema bener arutsü tuyuogo. Board-isa, Society Registration-Ahthibung Region Club (ARC) züngoksemtsü asoshi agizük.
SDO(C), Vejoyo Swuro-i, departmental land survey report agütsü, koba 2019 küm December ita inyaka liasü. Paisa, department shirnok indang ali ano masadangi lir, parnok dang teka amteper inyaktsü asoshi mepeshi.
Senden nungsa IPPI- Intensified pulse polio immunization) aser NDD (National Deworming Day) dak sendakba nung NID (National Immunization Day) presentation ka Dr. Nukshisangla Jamir-i agütsü, kong lai mapang tatsüka tsüngda department-i achaayanga inyaktsü aliba maparentem indang metetdaktsü.
Maneni taruba Republic Day benjungmung dak sendakba nung mapa alemtsü asoshi senden nung sensak asem, ta DPRO & IA, Peren sangdong ka ajanga metetdaktsü.