Dimapur Rail Bazar nung rakzükrakdemer ka apu

Dimapur, Aenjeti/January 15 (TYO): January 11 nü Dimapur police-i Ighanu yimtsüng nungi Padumpukhuri nung alir Hokugha Zhimo (28yrs) NSCN-U SS 2nd Lieutenant puogo. Pai, Rail Bazar Dimapur nung shishilembartem ket nungi sen sarua lia apu. Iba dak sendakba nung Sub-Urban Police Station Dimapur nung ken o ka benokogo aser ken o maneni bushitsüngdangdar.
Kasa mapang nung January 13 nü Dimapur police-i, Quisuddin Ali’er jabaso Babul Ali puogo. Pa Guwahati, Assam kübok Sandli Bzar nungi lir aser P/A ji Dimapur Railway Station Foot Path lir. Police temi pa ket nungi .32 Pistol (country made) ka, Magazine ka aser injang ka apu. Pa anema East Police Station Dimapur nung ken o ka benokogo aser ken o maneni bushitsüngdangdar, ta Addl. Dy. Commissioner of Police/PRO, Dimapur, Nagaland sangdong ka ajanga metetdaktsü.