IPPI indang DTF senden amen

Dimapur, Aenjeti/January 15 (TYO): January 19, 2020 nü Intensified Pulse Polio Immunization programme aser February 10, 2020 nü National Deworming Day agitsü aliba dak sendakba nung January 14, 2020 nü DC conference hall, Dimapur nung IPPI, NDD aser WIFS indang District Task Force senden menogo, ta ketdangsertem osang ka ajanga metetdaktsü.
Iba senden ya DC Dimapur, Anoop Khinchi leniba nung amen.
Senden nung DPO, Dr. Rebecca-i IPPI indang nükjidong metetdaktsüdang lai, January 19 nü district nung Polio booth 519 amenoktsü aser iba anogo nung polio mejemshir tanurtem atema maneni anogo 2-3 shi kibok sema agütsütsü, ta metetdaktsü.
Laisa, temsüa alir tanur ajak Immunization agi ayimjemtsü atema bendanger aliba tesemtem, railway station aser bus terminus taxi stands ama transit points ayimjema tanurtem nem polio agütsütsü, ta metetdaktsü.
Laisa PowerPoint ajanga National Deworming Day indang nükjidong, tajangzük angutsüpurtem aser iba mapatong indang metetdaktsü.
Senden nung Project Officer, UNDP, R. Khartu Monsang-i lokti dang Electronic Vaccine Intelligence Network aser cold chain maintenance indang metetdakja liasü.
Tesüsa DC-i item programmes takok ngua agitsü atema ajaki nendaka inyaktsü ayongzük.