Dy. CM-i salem lemsateper

Kohima, January 15 (TYO): Nagaland Deputy Chief Minister aser BLP lenir, Y Patton-i Chakhesang, Yimchunger aser Kuki nunger den So’kronye, Tsungkamneo aser Mimkut benjung salem lemsateper; item benjung anogo ya January 15, January 16 aser January 17 anogotem nung denjir, ta tanü Media Cell Dy. CMO sangdong ajanga metetdaktsü.
Dy. CM-i, benjung mapang ya tesüiba mapang meyipa reprangshitsü aser pei sobaliba jenjang shisadangtsü mapang ka lir, kechiyong ibaji ajanga pei maitsü sayur; benjung mapang ya tai tokteptsü aser asenok rongnung temeim lidaktsütsü mapang lir, ta ashi.
Item benjung mapang nung Dy. CM den BJP MLA temi kin asemsanger den salem lemsateper, ta kasa sangdong nung shia lir.