Peren DC-i metetdaktsür

Dimapur, Aenjeti/January 16 (TYO): Taruba Republic Day benjungmung, koba January 26 nü amungtsü ali, iba dak sendakba nung January 23 nü anepdang 9:00 ako nungi tenzüka DC Complex, New Peren Hq nung lokti nübutok sentong ka agitsü. Anungji DC Peren-i HoD ajak dang pei department staff tem dang mapa inyaktsü asoshi tapet hadir bener arutsü atem metetdaktsütsü shiogo.
Paisa, Department aser ketdangser ajak dang pei nem lemzüktsüba mapa January 25 nü nikongtsütsü 4:00 ako tashi nungbo tembanga inyaktsü tuyuogo, ta DPRO Peren sangdong ka ajanga metetdaktsü.