Centre Superintendents senden ayonger

Dimapur, Aenjeti/January 16 (TYO): Nagaland Board of School Education-i sangdong ka ajanga HSLC & HSSLC Examinations 2020 Centre Superintendents ajak senden ka January 28, 2020 nü 11:00 ako nungi tenzüka NBSE Conference Hall nung amentsü, ta metetdaktsüogo. Iba senden ya 2020 küm HSLC & HSSLC tatidang agitsü aliba dak sendakba nung onük balala sensak asemtsü asoshi ayongzük, ta kasa sangdong ajanga metetdaktsü.
Senden tembangba sülen tatidang admit card, statistics booklet aser tanga osettem lemtsütsü. Centre Superintendents ajak dang iba senden nung tamakok maludaktsüi arua adentsü asoshi metetdaktsüogo. Board inyakyim ama TA/DA agütsütsü, ta ketdangser sangdong ka ajanga metetdaktsü.