Kohima nung gari senzüsenpongtsü tetuyuba agütsü

Dimapur, Aenjeti/January 16 (TYO): January 17 nü nungi tenzüka 13buba Nagaland Legislative Assembly, session 5buba agitsü aliba dak sendakba nung security arrangement nung shilem ka ama ketdangsertemi Brehostibarnü gari senzüsenpongtsü tetuyuba kar agütsüogo.
Tetuyuba tem yamai alitsü: 
1. Teküboklen agüja aliba car passes alirtem dang Assembly Secretariat-i idaktsütsü. ‘X’ (Green letter den White background)-  Legislators tem atema ‘Y’ (White letter den Sky Blue background)- AHoDs/HoD tem atema ‘Assembly Logo’- Assembly Staff tem atema  ‘LH’ (Black letter den White Background)- Police Personnel aser P.S/P.A atema ‘O’ (Green letter den White Background)- IPR/Media aser tanga Department atema ‘ON ASSEMBLY DUTY’ (White letter den Red background) -Staff Bus/Pool & Dak Vehicles atema
2. Item lenmangtem nung Assembly Sessions mapang anepdang 6:00 ako nungi lenmang tezülen gari anena ayutsü memelar.* BSNL Telephone Exchange nungi Classic Island tashi.* Raj Bhavan nungi M.S Classic Island tashi.* Classic Island nungi Tinpati via Razhü point tashi.* Tinpati nungi Billy Graham Road via Don Bosco Jn.* Tinpati nungi High School.* High School nungi New Secretariat via Sanouru bridge tashi.
3.  Secretariat leni aoba garitem  Sanouru leni aotsü tuyur aser secretariat nungi jila leni arurtem Billy Graham nung jajatsü tuyur.
4. Gari tulutem anepdang 6:00 ako nungi Assembly Session matem tashi Kohima nung senzütsü memelatsü. Assembly Session mapang Kohima jila nung Khu belenshi benraba ajak anepdang 6:00 ako tashi nungbo tembangtsüla.
5. Gari tulutem ‘D’ Block lenmang nung anentsü memelatsü.
Nüburtemi tetuyuba sülen tashi angaa anidaktsü imlar saka aibelenertem indang gari police temi bener aotsü aser gari kiburi takhang agütsütsü, ta PRO Kohima sangdong ka ajanga metetdaktsü.