Yimchungrü Tsüngkam neo den Mini Hornbill benjung tenzükogo

Dimapur, Aenjeti/January 16 (TYO): Yimchungrü Tsüngkam neo den Mini Hornbill benjung January 15, 2020 nü Mundün Heritage village nung nüngshilong ka semzükja Advisor Art & Culture & Tourism Khehovi Yepthomi-i tenzüktsüogo.
Benjung tepela salem lemsatepba den Khehovi-i, benjung ajanga temeim osang ajak den lemsateptsüla, ta ashi. Maneni alakteta jaokeri Beti Bachao Beti Padhao (BBBP) signature campaign aser stall tem lapokja liasü. Sumi Hoho Hekhushe Shikhu tir Tribal Guest aser DC Tuensang Kumar Ramnikant IAS benjung lapokba sentong host liasü, ta ketdangser sangdong ka ajanga metetdaktsü.