CAA anema longkak aittsü

Dimapur, Aenjeti/January 16 (TYO): Naga public-i achaayanga January 18, 2020 nü Supermarket nung ‘Nagaland Against CAA’ ta nüngja agütsür Citizenship Amendment Act anema longkak aitba sentong ka agitsü. Iba longkak aitba sentong ya yimden yimsüsüba tsütsü kecha sendaka mali aser yimjung nung dang amungtsü.
Longkak aitba sentong nung o jembiba dang masü saka ken, saya balala aser iba tesem nung painting sentong ayongzüka agitsü.
Linük ajunga nung CAA anema nokdakba mapang Nagaland ajem ajema melitet, anungji nüburtem ajak dang asenoka linük nung tanga tesemtem den densema aliba sayua iba sentong nung arua adentsü mepeshia metetdaktsür. Iba sentong ya anepdang 10:00 ako nungi tenzüktsü, ta Nagaland Against CAA Organising Committee sangdong ka ajanga metetdaktsü.