Linük asoshi lumia sarasademtsü ayongzüker

Dimapur, Aenjeti/Jan. 23 (TYO): “Kü dang ja-ang aser ni ne dang langzütsü, aser miim mapa tulu koba nai memeteti ali ne dang ashitsü.” (Yerimia 33:3)
Indo-Naga yimten ken o jembiba tatemleni arur, aser iba ajanga asen linük nung yimten tensa tajung kati arudaktsütsü mechi Council of Nagalim Churches ajanga CHQ Church, Hebron nung January 24-26, 2020 anogotem nung National Fasting and Prayer Program ka ayonga lir. Iba lumia sarasadem sentong ya “Humility & Repentance for Forgiveness and Healing” (2 Putipuyang 7:14 &15) omen nung ajemdaker ayonga lir. Anungji iba sentong nung linük tenzüker ajak arua adentsü mepishir. Maneni regional arogotem, Brigades, Battalions & Unit ajak nung kasa sentong ya pei arogo nung ayonga agitsü ajungshir, ta CNC General secretary Ikato Chishi Swu-i sangdong ka ajanga metetdaktsü.
Maneni kasa anogo Nagalim nung aliba arogo ajak dang pei arogo nung külemi kasa sendong agitsü CNC ajanga mepishir aser ajungshir. Aji asünung dang asenoki anir ajaki akhumtsübutsüsa aser agizüktettsüsa tangatetep kati arutsü aser Yisu asoshi asen linük yangertsü, ta kasa sangdong nungsa shia lir.