Phek nung ‘Save the Girl Child’ omen kübok süngdong atem

Phek, Aenjeti/January 24 (TYO): Hokolbarnü Phek jila nung “Save the Girl Child” omen nung ajemdaker National Girl Child Day amongba nüngtem nung süngdong atemba sentong agiogo; iba dak alia sub-divisions pezü nunga Beti Bachao Beti Padhao (BBBP) hopta piyong amongba dak sendakba nung süngdong 300 temogo, ta ketdangsertem osang ka ajanga metetdaktsü.
Süngdong atemba sentong ya District administration aser District Level Centre for Women-Mahila Shakti Kendra, Phek nati ayonga agi.
Iba sentong ya District Coordinator, DLCW-MSK, Phek, Veposelu Naroh leniba nung agi aser SDO (C) Phek, N. Bhavani Sri, IAS-i onük tatsüka jembia liasü.