R-Day: Secretariat nung inyakertem transportation atema sangdonger

Kohima, January 24 (TYO): Kohima nung Republic Day sentong January 26, 2020 nü Secretariat Plaza nung agitsü aser iba sentong nung Nagaland Civil Secretariat nung ketdangsertem aser staff tem ajak adentsüla, ta tanü ketdangsertem osang ka ajanga metetdaktsü.
Secretariat staff bus temi ketdangsertem aser staff tem anepdang 8:00 ako tashi nung peipei pick up points-i tanii arutsü, ta kasa osang ajanga metetdaktsü.
Iba dak alia ketadanger ajak dang nikongdang sentong nung adentsü tuyur, ta metetdaktsü.
Administrative Head of Departments ajak dang iba anogo nung peipei staff tem tenüng ajatsü aser tim teinyaktsü atema attendance sheet agüjang ta tuyuogo. Supervisor-i tanga Grade IV staff (Nagaland Civil Secretariat) tem tenüng ajatsü.