Lokayukta-i Angau I. Thou anema ken o benoker

Dimapur, January 24 (TYO): Taoba Commissioner & Secretary, Tourism Department Angau I. Thou, IAS-i tim masüba inyakyim ajanga sorkar mapa nung nisungtem shimokba atema Prosecution Sanction ka agütsüogo.
Tourism Department nung ozüng alema Tourist Officers aser Tourist Assistants shimokba maparen nung lai shilem agi, ta taoba Meghalaya High Court Chief Justice aser Lokayukta Nagaland, Justice Uma Nath Singh-i tanü metetdaktsü.
Nagaland Lokayukta Act, 2017 nung Arrla 26 kübok la anema Prosecution Sanction agütsür, ta paisa ashi.
Angau I. Thou-i records nung teka aiba aser ano Election Model Code of Conduct alema inyak. Nagaland Lokayukta Police-i yakta Special Court (PC Act) Kohima nung chargesheet benoktsü, ta Inspector General of Police & Directo, Nagaland Lokayukta Police I. Meyionen-i sangdong ka nung ashi.