Centre aser AAP toktepba ajanga Delhi nung timtem lir: SC

New Delhi, September 21 (Agencies): Hombar nü Supreme Court (SC)-i, Delhi nung Centre sorkar aser AAP sorkar na tsüngda maneni toktepba ajanga Delhi nüburtemi timtem tulu ajurua lir, ta ashi.
Ajisüaka Delhi nung dengue tashitak ajanga nisung aika asüba atema sokrar anema ken o benokbabo magizüki SC-i, temzüng alema inyakba tejangja ka shia benokba ken o bo court-i agizüktsü ajisüaka sorkar tashimaitba ken o bo magizüktettsü, ta ashi.
Tawa Delhi nung dengue tashitak pokteta nisung jenti asübaji state sorkar tamakok ajanga lir ta Centre-i tali tongloktsü, aser Delhi chief minister aser AAP tongti lenir Arvind Kejriwal-ia kasa onük nung Centre sorkar aija liasü.
Centre-isa Delhi dang, dengue tashitak anema mera tajungba benoktsüla, ta tuyuogo.
SC-isa sorkar ana dang, Centre nung Narendra Modi-i aniba sorkar aser state nung Arvind Kejriwal-i aniba sorkar nati parnok sasa mangatettep mebentetba ajanga Delhi nüburtem timtemra mapang tetemsü nung nüburtemi obendang agütsütsü, ta shiogo.