IMDH Mkg nem Medical instruments tenla agütsü

Dimapur, Aenjeti/January 29 (TYO): Beti Bachao Beti Padhao (BBBP) kübok Imkongliba Memorial District Hospital (IMDH) Mokokchung nem Medical instruments tem tenla agütsüba January 28 nü sentong ka nung pelashishia agizükogo.
Mokokchung, Deputy Commissioner Limawapang Jamir-i sentong nung o tatsük jembiba mapang, BBBP ya linük nung tetsür tanurtem nem teyari agüja nungittsü aser parnok ajungkettsü asoshi India sorkar indang tongtibang sentong ka lir, ta ashi. Paisa, district administration-i iba sentong kübok nüburtem nem health care service tajungba agütsütsü asoshi iba dak sendaka aliba institution nungita yaritsü aser teka amteper maparen ajak inyakyonga aotsü, ta ashi. Limawapang-isa, tarutsü nung iba amala facility tem CHC aser PHC tem nema agütsüyonga aotsü imlaa ataba ka lemsatep.
Sentong nungsa BBBP Mokokchung, Nodal Officer & SDO (CIVIL) Mokokchung Dharam Raj IAS-i o jembiba mapang state nung BBBP programme benokyonga aoba nung Mokokchung District ya lenir ka ta tuteta sayuogo, ta ashi.
Sentong nung Deputy CMO Mokokchung Dr. Medem-i, District Administration dang parnok teyari aser parnoki nungita yariba atema tenüngsang agütsü. Iba sentong ya WWO, Mokokchung Moamenla Longkumer lenisüba kübok agi.
Medical instruments tenla agütsübatem rongnung Oxygen Generator ana, Syringe pump ana aser hand dryer ka densema liasü.