Jan 31 nungi bank mokdangtsü

Guwahati, January 29 (Agencies): United Forum of Bank Union (UFBU)-i anogo ananü linük ajunga mokdangtsü ayongzükogo.
Parnoki January 31 nungi February 1 tashi lungkak aittsü aser Indian Banks’ Association (IBA) nem takhangba agütsüshitsü.
November, 2017 nungi bank nung mapa inyakertem aser ketdangsertem indang Wage Revision Settlement asütsü atema UFBU-i takhangba agütsür.
UFBU ya bank union 9- AIBEA, AIBOC, NCBE, AIBOA, BEFI, INBEF, INBOC, NOBW aser NOBO loktepter tentetba lir.
UFBU-i lungkak aitba ajanga onoki akhangba onüktem prokshitsüsa akümer. Anungji banking customers-i iba timtem aremtsü mepishir, ta parnoki sangdong ka nung ashi.