NE nungi sepaitem anientsü: Army Chief

New Delhi, January 29 (Agencies): Taruba ita 18 nungi 24 tsüngda North East nung sepai aika anientsü, ta Army Chief General M.M. Naravane-i metetdaktsü.
Bodoland election sülen battalion anabo mapa lemzüka inyakba anendaktsüogo, ta paisa ashi.
“Tawa National Democratic Front of Bodoland (NDFB) aser tanga teloktem nungi züngsem 600 temai adokba ajanga North-East nung tensa tajungba kümdar. Onoki taruba ita 18-24 tsüngda CI/CT/ internal security nübo ajemtsü atema sentong yangludar” ta General Naravane-isa ashi.
Anogo ishika tejaklen, Guwahati Medical College Hospital (GMCH) Auditorium nung Arms Laying Down Ceremony ka agidang ULFA (I), NDFB, RNLF, KLO, CPI (Maoist), NSLA, ADF aser NLFB züngsem 644 tashi temai adok.
Hombarnü Centre-i National Democratic Front of Bodoland (NDFB) den tenangzüktep ka agiogo. Iba ajanga Northeast nung yimjung bener arutsü imlar.