Bengali teloki BJP MLA Shiladitya Dev aitsür

Guwahati, Jnauary 31 (Agencies): Hojai nungi Bharatiya Janata Party (BJP) MLA Shiladitya Dev-i Netaji Subhash Chandra Bose dang kiralongrar ta jaloktsüba atema tatok meshiang ta Sara Asom Bangali Oikyamoncha-i metetdaktsüogo.
Sara Asom Bangali Oikyamoncha ya Bengali nunger sabang ka lir aser parnoki tanü iba osang sangoktsü.
“Dev-i nüjiso atema rarar Netaji Subhash Chandra Bose mezüngmeshia jembiba ya magizüker aser khukhua aitsür. January 23, 2020 nü pai Bose dang kiralongrar ka ta jaloktsü. Paisa Bipin Chandra Pal aser Khudiram Bose na ya tali bilemloka oa inyakertem ta aitsüogo” ta Oikyamoncha general secretary Amritlal Das-i ashi.
Dev-i iba onük jembiba atema tatok magütsütettsü. Pai nüjiso atema rarartem anema jembiba ya Bengali nunger mezüngmeshiba lir, ta Das-isa shisem.
January 29, 2020 nü taoba Assam minister Ardhendu Dey-ia Shiladitya Dev anema ken o benoktsü ta metetdaktsüogo.
Dev-i nüjiso atema rarartem anema jembiba ya India aser Bengali senso ajak mezüngmeshiba lir, ta Congress lennir Ardhendu-isa shisem.