R-Day bomb apokba atema ULFA(I) 2 apu

Guwahati, January 31 (Agencies): Indian Army aser Assam Police-i Charaideo district nung United Liberation Front of Asom (Independent) züngsem ana puogo.
Tenaji Manas Jyoti Padmavat (Bastav Asom) aser Chow Lakhi Longno (Rubul Asom) nay ta jangjaogo. January 26 nü Teokghat nung bomb pokdaktsüba nung tenati shilem agia alitsü ta temulung melemi bilemer.
January 28 nü Indian Army aser Assam police-i tena apu ta osang ajanga ashi.
Tena ket nungi 5.56 mm HK33 rifle ka den magazine ana, injang round 34 aser tanga osettem ngutetogo.
Manas Padmavat ya 2009 aser Lakhi Longno ya 2017 nung ULFA-I nung aden ta police ketdangser kati ashi.
“Apurba Gogoi (Arohan Asom)-i anir telok kati January 26 nü Assam kübok tesem balala nung bomb atongtepa pokdaktsü aser iba telok nung Manas aser Chow na dena liasü ta bilemer, ta Assam Police-i ashi.
“Tawa tu parnok ya Assam – Nagaland – Arunachal Pradesh arrtsülen külemi adenshiba osangtem angazükogo” ta police-isa ashi.